Çimka e gjetur në zyrën e ministrit? Apo qark për lavatriçe?

Ky është modeli i “çimkës” së gjetur në paradhomën e ministrit të brendshëm Sajmir Tahiri. Pajisja është transmetues analog i zërit, tek marrrësi në një distancë të caktuar nga vendi i vendosjes së cimkës – raporton ABC News.

Sipas këtij kanali, prokurorët kanë kërkuar një eksperiment hetimor për të parë se sa është distance që kjo pajisje transmeton zërin dhe perimetrin pranë vendit të vendosjes. Si dhe për të ekzaminuar cimkën nga ekspertët, për të parë sa është koha që bateria e kësaj pajisje mban për të transemtuar zërin në një aparaturë marrëse e që vendoset disa metra nga vendndodhja e çimkës.

Prokurori i çështjes Ardian Braho i ka caktuar disa detyra oficerëve të policisë, konkretisht sektorit të Drejtorisë së Përgjithshme të Shëbrimit të Çështjeve të Brendshme dhe Ankesave pranë Ministrisë së Brendshme. Pasi ka qenë kjo drejtori, që ka dorëzuar kallëzimin në Prokurori më datë 20 maj, dy ditë pasi pajisja ishte gjetur nga sekretarja e ministrit, e vendosur pas grirses së letrave që ndodhej në paradhomën e Sajmir Tahiri – raporton ABC.

Sipas televizionit në fjalë heqja e çimkës nga stafi i ministrit e ka vështirësuar hetimin e saj dhe të materialeve që janë përgjuar.

Por për media të tjera raportimi i ABC News i afërt me opozitën, është i pasaktë dhe tenton të bëjë të besueshëm versionin e Berishës që Tahiri ka fshirë materialet e përgjuara.

Botuesi Karlo Bolino, mediat e të cilit botojnë shpesh ekskluzivisht materialet e policisë së shtetit, ka kundërshtuar dje raportimin e ABC duke e quajtur atë të gënjeshtërt.

Si edhe në rastin e “fotove të Artur Zhejit”, fotot e ABC News janë një blof i dytë – shkruan Bolino –  ajo që televizioni në fjalë paraqet si një çimkë, ne te vertete eshte nje qark i zakonshem i integruar qe kushton pak me shume se nje euro dhe qe sherben per te rregulluar tensionin e energjise elektrike per elektroshtepiaket ne banesa” 

Dita