Përleshje masive mes të burgosurve shqiptarë dhe atyre tunizianë në Itali

Shqiptarë dhe tunizianë janë bërë pjesë e një përleshjeje masive në burgun e Canton Mombello, në Brescia të Italisë.

Ngjarja ndodhi në orët e para të mëngjesit të sotëm, ku mes të burgosurve ka pasur një përleshje fizike masive.

Në fillim ishin pesë të burgosur që ishin përfshirë në përleshje, shqiptare dhe tunizianë, por shpejt atyre iu bashkuan edhe të burgosur të tjerë.

Ndërhyrja e dy agjentëve të Policisë së Burgjeve, të pranishëm në momentin e ngjarjes, për fat të keq, nuk ka pasur efektin e dëshiruar. Të dy gardianët u qëlluan në pjesë të ndryshme të trupit, duke pësuar lëndime të shumta dhe janë dërguar në spital.