Edi Rama dhe Lulzim Basha pritet të takohen sot në orën 17:00 në Pallatin e Kongreseve, për të disktuuar mbi dy reforma të rëndësishme, të drejtësisë dhe zgjedhjet.
Dy forcat kryesore politike kanë negociuar deri mbrëmë vonë, kryesisht për tri kërkesat e opozitës; modelin e vendeve të rezervuara, thjeshtimin e arkitekturës së sistemit dhe votimin elektronik në zgjedhjet e ardhshme.
Secila prej palëve është treguar e rezervuar, duke konfirmuar se gjithçka është në diskutim.
Takimi mes dy liderëve kryesore të partive politike në vend do të jetë vendimtar për të ardhmen e vendit, ose një goditje përfundimtare.
Kryeministri Edi Rama pritet që të shoqërohet nga kreu i Komisionit për Reformën në Drejtësi dhe Bashkim Fino që drejton komisionin për Reformën Zgjedhore, ndërsa kreu i opozitës Lulzim Basha do të shoqërohet nga nënkryetari i Reformës në Drejtësi, Oerd Bylykbashi.