Fushata është e shpifur, ulërimat të kallin krupën, sjellja në mitingje dhe takime është katundareske, e pavetëdijshme dhe e padobishme. Mazhoranca mburret pa pikën e turpit, pa pikën e modestisë dhe dëgjojmë vetën “un, unë” dhe “ne, ne”. Premtimet që bëhen për rritje rrogash apo pagesazh me 5 leksha në muaj, bëhen vetëm për pensionistët dhe për administratën, sepse këta janë votuesit që nuhat klasa politike.
Bëhen edhe lëshime në zaptuesit e tokave sepse edhe këta njerëz larg qytetërimit, janë votues të partive. Por për ne 30-35 vjecarët kush mendon? Duam të krijojmë familje, të blejmë shtëpi, të bëjmë fëmijë pa patur frikë për tad he për veten.
Për ne që nuk jemi as pensionistë, as administratë, e as zaptues tokash, kush mendon? Pse nuk ka një premtim për këtë kategori? Dhe prisni pastaj që njerëzit të shkojnë të votojnë për një mjekër të bukur apo për një “batutë të fortë”?
Letër e nënshkruar: Mirela Hasanaj