Denisa Daka*
Skandali në Gjykatën e Fierit, ku të gjithë bashkë pame sesi një gjyqtar kërkonte para e favore seksuale në këmbim të një vendimi kujdestarie, suportuar nga një psikologe gjykate, nuk ehte i pari në morinë e shumë episodeve e ngjarjeve të tjera qē ndodhin çdo ditë në dyert e gjyqësorit shqiptar.
Një mori episodesh të tjera përcillen çdo ditë nga qytetarë të shumte, pranë organeve të vettingut tashmë, raste flagrante të etikës e mungesës së profesionalizmit të togave të zeza, ndërsa prej vitesh pluhuri i harresës ka mbuluar ndër vite shqyrtimin e çdo njërës prej tyre.
Fakti i të berit publik i këtij rasti, i cili konsiderohet skandal në këto përmasa, u bë shkak të çojë nē pranga këta të fundit.
Është e dhimbshme dhe e pafalshme absolutisht për gjithë çfarë ndodh e ç’ka ndodhur përgjatë 28 viteve, në “tempullin e drejtësisë”.
Mijëra qytetarë përgjatë këtyre viteve janë rrekur të gjejnë mundësi e alternativa pafund për të blere lirinë, kujdestarinë e fëmijëve, shtëpinë a pronën e tyre, vendin e punës humbur padrejtësisht e në shumë raste dhe nderin a qetësinë e mohuar a nëpërkëmbur, përmes një kaluari përpjekjesh titanike.
Fare pak syresh gjyqtarë a prokurorë janë larguar apo pezulluar nga detyra pas konstatimit të rasteve flagrante krejt, ndërsa askush nuk ehte detyruar të shpërbleje dëmin e shkaktuar apo të kërkoje ndjesë publike në favor të të dëmtuarve të cilët padrejtësisht kanë mbajtur mbi supe kusuret e zullumeve të tyre.
Në shumë raste gjyqtarë e prokurorë janë suportuar e mbështetur ndër vite jashtë çdo kriteri nga organet mbikëqyrëse, ç’ka ka sjelle një perceptim tejet të rende e të skajshëm para publikut, duke i konsideruar në shumë raste këto institucione bashkëpunëtore në krim.
Të tjerë syresh, qytetarë të shumtë, pa mundur të gjejnë fijet e duhura për të zgjidhur problemet e tyre, kane vajtuar pa limit pamundësitë a dështimin për të fituar të drejtën, përballe një sistemi të kalbur e problematik që kutërbon prej vitesh.
E ndërsa Vettingu po vijon me hapa të ngadalte e SPAK do tē marrë dhe ca kohë të ndezë motorrët për të nisur, dhjetëra syresh gjyqtarë e prokurorë të korruptuar e jo profesionale anembanë Shqipërisë, vijojnë qetësisht “punët” e tyre,.
Në morinë e proceseve të rivlerësimit të gjyqtarëve dhe prokuroreve nga organet e Vettingut, kriteri i integritetit dhe profesionalizmit kaloi në shumë raste tangjent krejt, ndera në mendjen e shumëkujt lanë gjurmë veç pasuri të shumta a llogari të fshehura a të padeklaruara, të dhuruara me bujari nga familjarët e tyre.
Do të ish frytdhënëse dhe efikase, që çdo ankesë e ligjshme dhe e drejte e çdo qytetari drejtuar drejtuar organeve të Vettingut, të vinte menjëherë në lëvizje këto të fundit, për të nxjerrë përballe ligjit secilin prej tyre, duke i bërë nder këtij sistemi, qytetarëve të këtij vendi posaçërisht.
Në rast të kundërt mbledhja dhe arshivimi i ankesave për t’u shqyrtuar në një kohë (pa kohē) për secilin prej tyre, përveçse do të krijonte një precedent te rrezikshëm do t’u jepte mundësi e shans serish këtyre të fundit, të vijonin me demet e tyre pa limit.
Ndera një pjesë e togave të zeza i bëjnë nder këtij sistemi, shumë syresh duhen larguar sa me pare për t’i kthyer shansin e mundësitë e humbura gjithsecilit prej nesh.
Të gjithë bashkë shpresojmë që vullneti i mire dhe qasja e duhur ndaj këtij fenomeni të rënde, një sistem rregullash përmes institucioneve të pavarura që garantojmë zbatimin e ligjit, të nxjerrë nga agonia një sistem të tërë, i cili po shkallmon e prish jetë njerëzish çdo ditë.
*Avokate