Drejtori i Kontrollit parësor Farmaceutik, Halit Bilali, dhe dy inspektorë të Autoritetit Shëndetësor u pyetën për mbi 3 orë nga prokurorë të njësisë “task forcë” në Prokurorinë e Tiranës, në lidhje me dyshimet se është abuzuar në rimbursimet e ilaçeve në disa farmaci në kryeqytet.
Burimet thanë se, zyrtari i Drejtorisë, në fondin e sigurimit të detyrueshëm të kujdesit shëndetësor i ka qëndruar versionit të kallëzimit të kryer prej tyre, ndërkohë që Prokuroria nuk jep asnjë koment sesa është numri i personave, që janë në listë për t’u pyetur – raporton televizioni TCH.
Dyshimet flasin për një abuzim me kontratat prej gati 59 milionë lekë, ndërkohë që nën sitën verifikuese janë 47 farmaci. Pas një kallëzimi të kryer në organin e akuzës, Prokuroria beson se abuzimi ka ndodhur përgjatë periudhës tetor 2014 deri në mars 2015, ndërsa ka dyshime se janë falsifikuar recetat për sëmundjet kancerogjene, duke deklaruar se i kishin shitur këto ilaçe të shtrenjta në Bërzhitë dhe Lundër, për t’u rimbursuar më pas nga shteti.
Kjo skemë mashtrimi, deri më tani mendohet se është ndjekur nga 4 farmaci, të cilat kanë hartuar kontrata fiktive për rimbursimin e medikamenteve të shtrenjta. Megjithatë, Prokuroria deklaron se do të thërrasë edhe drejtuesit e këtyre farmacive, për të konstatuar konkretisht, se cilat akte nënligjore janë shkelur dhe sesi ka funksionuar realisht ky mekanizëm.
Perse nuk po behen hetime edhe per vjedhjet e bandes se Spiropalit? Perse po kalohet kaq ne heshtje vjedhja kolosle e bandes se saj arrogante. Ku eshte Erion Brace si kryetar i grupit parlamentar per ekonomine? Perse hesht? A nuk kemi te bejme edhe ketu me korrupsion, shperdorim detyre dhe mega vjedhje?
http://www.lapsi.al/lajme/2015/05/26/doganat-zbulohet-korrupsioni-pse-iku-elisa-spiropali#.VWXk30YXf2x
Elisa, qe nuk kishte punuar kurre ne jeten e saj, tregoi aftesi te shkelqyera hajduterie qe ne detyren e pare qe iu besua.