Një adoleshent nga Siria qendrore është bërë refugjati i një miliontë i regjistruar në Liban.
Pasi ishte rrëmbyer nga luftëtarët për më shumë se dy vjet në qytetin e tij të lindjes Homs, 19 vjeçari Yahya ishte evakuuar në fillim të këtij viti dhe kishte shkuar në Yabroud, qytet i kontrolluar nga rebelët në afërsi të kufirit me Libanin.
Duke e parë se nuk kishte mundësi tjetër, ai kaloi kufirin së bashku me nënën dhe dy motrat e tij më 8 mars të këtij viti.
Babai i Yahya, nuk është së bashku me ata, pasi ishte vrarë nga snajperi në Homs, në shtatorin e vitit 2011.
Të mërkurën, Yahya, u regjistrua në qendrën e UNHCR-së në Liban.
“Nuk dinim nga të shkonim. Vetëm dëshironim të ishim larg nga granatimet dhe luftimet”, tha ai.
Nga konflikti në Siri, janë vrarë më shumë se 150.000 persona.