“Mandati i tretë s’më bëri të pamposhtur por më të përulur”, darka me ambasadorët, Rama shigjeton Berishën dhe Metën, i butë me Bashën (Video)

Kryeministri Edi Rama e zbuloi sot fjalimin e mbajtur në darkën e djeshme me ambasadorët e huaj në Shqipëri, të cilët i priti në Elbasan. Gjatë fjalës së tij, Rama pa përmendur emra ka përmendur edhe ish-kryeministrin Sali Berisha, i cili edhe pse i shpallur “non grata” nga Amerika, ka shprehur hapur ambicien e tij për të garuar sërish për të qenë në krye të opozitës dhe më pas të qeverisë së vendit.

Ndërsa po ashtu ka shënjestruar edhe presidentin e vendit, Ilir Meta, i cili gjatë zgjedhjeve u kërkoi shqiptarëve që të mbrojnë votën me sfurqe e sëpata, fjalë që sot u përdorën kundër tij nga Rama. Sërish pa e përmendur me emër kreun e shtetit.

“Duhet durim, shumë më tepër se sa i ka mbetur këtij kombi, ndërkohë që figurat më të dyshimta të së shkuarës, gjejnë ende guximin të bëjnë kërcënime groteske me sfurqe apo rikthime në skenë, në emër të sovranitetit, dinjitetit, pastërtisë,”-shtoi sërish Rama.

Tone më të buta kishte rezervuar për kundërshtarin e tij në zgjedhjet e fundit për kryeministër, numrin një të Partisë Demokratike, Lulzim Basha.

“Të dëgjojmë më shumë njëri tjetrin. Jeta shkon shumë shpejt për ta cilësuar njëri tjetrin si armiq,”-tha Rama ndër të tjera në fjalën e tij.

Fjala e Ramës:

Po e mbaj në anglisht fjalimin siç kam bërë çdo vit. Një tjetër viti po i vjen fundit, jemi këtu për të festuar ardhjen e 2022. Jam krenar për shumë gjëra që kemi arritur së fundmi, sidomos pas 2 viteve të fundit me ndihmën tuaj luftuam tërmetin dhe pandeminë.

Më lini të them se sfidat me të cilat përballemi, unë jam besimplotë që më shumë do bëhet gjatë vitit që vjen. Viti që vjen është një vit kyç për Shqipërinë pasi po përgatitet të zërë vendin e saj në Janar në OKB, një institucion që më mirë se kushdo mishëron frymën e bashkëpunimit dhe përgjegjësisë.

Është një mundësi historike për Shqipërinë, një vend që ka qenë në dekada në dektaturë, në armiqësi me vendet e tjera. Fakti që kemi mundësi të bashkohemi me vende të tjera që nuk i shohim si armiq që luftojmë por si aleatë për një botë më të mirë tregon sa larg kemi shkuar. Kjo mundësi historike vjen në kohë jo shumë të lehta jo vetëm për Shqipërinë, po për të gjithë, për Balkanin, për Evropën dhe për botën.

Këto janë kohë sfiduese për të gjithë në. Sfidat me të cilat përballemi ndonjëherë duken shumë të mëdha, në krahasim me nevojat që kemi. Vende të vogla apo të mëdha, të zhvilluara apo të pazhvilluara, perëndimorë apo lindorë ndërkohë që merremi me një krizë dhe një krizë tjetër na del përballë, bëhet themelore të mos e lëmë gjendjen e emergjencës të pushtojnë mendjet tona.

Është jetike të mos tërhiqemi në izolim. Dyshimi se çfarë është ndryshe është frika. Shqipëria e di shumë mirë se kush është kostoja e izolimit. E nuk kemi është mësim për botën po një që e kemi mësuar në mënyrë të vështirë, asnjë vend nuk e menaxhon dot vetëm një situatë si kjo. Jemi të gjithë të rinj përpara këtyre sfidave dhe jemi të gjithë bashkë në këtë dhe mund të mësojmë nga sukseset dhe dështimet.

Një plagë e hapur në vepin më të humbur në botë mund të jenë të rrezikshme në zemrën e tij. Pasojat, siç kemi mësuar janë emergjente, pasojat zgjasin në kohë. Por ndërkohë që përballemi me këto armiq të padukshëm nuk duhet të bëhemi të padukshëm për njëri tjetrin.

Duhet të sigurohemi të mos sakrifikojmë të drejtat por të tregojmë atë që predikojmë. Të qeverisësh një vend të vogël është më e vështirë. Në botën në të cilën jetojmë, të drejtosh vende të mëdha do të thotë të drejtosh njerëzimi. Është thelbësore që vendet e mëdha të kenë një këndvështrim të gjerë. Është thelbësore që vendet e mëdha të mos zvogëlohen në zemra dhe mendje me burimet që iu duhen për t’ia dalë.

Një famëkeq dikur tha në fund të vitit: Ky vit ka qenë më i vështirë, por më i lehtë se ai që do vijë. Disa mund të shohin këtë si një përshkrim i gjendjes të tanishme në vend. Nuk do e them se kush ishte ai shqiptar. Ai ishte mjeshtër i izolimit. Nuk është çështje vitesh më të lehta apo më të vështira por qeveri të përgjegjshme apo të papërgjegjshme.

Ajo që bëjmë tani dhe si japim dhe marrim dhe njëri tjetrin do të përcaktojnë vitet që do të vijnë. Jemi këtu të kremtojmë dhe dëshira ime për vitin e ri është të bashkëpunojmë në radhë të parë si njerëz.

Mandati i tretë nuk më bëri të pamposhtur por më të përulur. Fitorja ishte e ëmbël dhe e hidhur. Ndjeva se nuk kishim bërë mjaftueshëm dhe kundërshtari ende nuk shihet. Pas një fitore që më përndjek më shumë pafuqia e pushtet për të ecur më shpejt për modernizuar një shtet që humbi shumë nga diktatura, ndihem i sekëlldisur.

Le të marrim BE-në. Kemi gjithçka që duhej për të na dhënë dritën jeshile por nuk e kemi marrë. Ky është një fakt por ne do të vazhdojmë të bëjmë Shqipërinë më mirë. Koha kalon dhe frustrimi i shqiptarëve rritet. Bëmë çdo gjë që duhej për reformën në drejtësi. Duke u përballur me kundërshti edhe brenda koalicionit tonë. Duhet kohë dhe shumë kohë se sa koha që fluturon për njerëzit e këtij vendi që kanë pritur pafund për të jetuar në një vend ku kushdo është i barabartë para ligjit.

Të marrim luftën kundër korrupsionit. Kërkon reforma, dhe i kemi ndërmarrë të gjitha. Po punojmë pa pushim. Kërkon një sistem drejtësie të pavarur. ndërkohë që ajo që mund të bëjmë tani për tani. është të shfrytëzojmë digjitalizimin që i bën vendet të kapërcejnë.

Por kjo nuk është e mundur që të lehtësohen njerëzit. Le të marrim modernizimin e të gjithë sektorëve. Kemi bërë aq shumë në tetë vite sa është bërë në dekada. Qeveria është e dënuar të krahasohet me Bashkimin Europian. Le të marrim pabarazinë sociale. Kemi bërë shumë por mbetet ende për t’u bërë. Ky është fundi i një tjetër viti kur mund ta bëja këtë rrëfim.

Jam i vendosur të jap gjithçka nga vetja. Në ditët që do vijnë do paraqesim një nismë të re për bashkëvepruar mes qeverisë dhe njerëzve. Këto janë kohë sfiduese dhe duhet të punojmë bashkë si prindër, vëllezër dhe motra, si njerëz që duam më të mirë për vendin tonë që jemi të bekuar ta quajmë shtëpi. E ardhmja krijohet edhe përmes vullnetit për të dëgjuar më shumë njëri tjetrin.

Me kalimin e kohës mund të ndihmojmë me vendimet. Më lini ta përmbyll me urimin për vitin e ri që të dëgjojmë më shumë njëri tjetrin. Jeta shkon shumë shpejt për ta cilësuar njëri tjetrin si armiq. Duhen reforma dhe ne po i bëjmë ato, duhet progres dhe ne jemi në këtë rrugë, po marrim avantazhin e teknologjisë për të avancuar vendin.

Ato ndihmojnë vendin që të kalojë nga një fazë në fazën tjetër në disa vite. Por kjo është e vështirë, pasi prapë qytetarët janë të paduruar. Le të marrim sistemin shëndetësor, arsimin, institucionet, kemi bërë më shumë në 8 vitet se sa në dekada”