Rama: Harrojeni se do mbani peng vendin, pranoni pozicionin që u dha vota

Kryeministri Edi Rama akuzoi sot opozitën se po shndërron seancën e parlamentit në një arenë shpifjesh dhe gënjeshtrash. Duke folur nga foltorja e parlamentit, Rama u vuri në dukje deputetëve të opozitës se sjellja e tyre është kundër demokracisë, frymëzuese për krimin dhe mburojë për korrupsionin.

E megjithatë ai ka paralajmëruar opozitën se nuk do të mund të mbajë dot peng vendin për interesa të saj.

“Qeveria do të bëjë një për një atë që i ka caktuar populli. Ne mazhoranca më solide që prej shekullit të kaluar dhe ju dhamë të gjithë hapësirën që ju nuk na e dhatë asnjëherë por që në krye të herës ju e nisët kështu. Pikënisja jonë është kundër çdo krimit, çdo korrusioni, kundër çdo lloj fenomeni të mbrapsht. Nuk doni ta pranoni vendin dhe rolin që ju ka caktuar populli sovran, pasi siç duhet nuk e duroni dot fundin e privilegjeve që u dha populli.Pikënisja jonë jemi përcaktuar qartë kundër krimit, kundër injorancës injoruese në çdo shkallë të qeverisjes tuaj, që çdo ditë jepeni rrugës së shpifjeve, sajesave, duke u bërë ca me dashje, shumë pas dashje, frymësuar të krimit, duke u bërë ca me detyrim e ca ku ka kërkuar SHQUPI, mburoj të injorancës dhe krimit. Nuk doni të luani rolin që ju ka caktuar populli, se mesa duket nuk duroni dot as humbjet, dhimbejt në rrugën kundër krimit, korrupsiionit që keni lenë gjurmë gjithandej.Por dhe zgjedhja jonë është e qartë, ne do ju dëgjojmë, por do ta udhëheqim vendin duke bërë një për një detyrat që na kanë caktuar populli. Harrojeni se do të mbani peng këtë vend për interesat tuaja ekonomike, harrojeni të mbani peng me driteshkurtësinë tuaj, të ardhmen që meriton këtë vend. Në këtë Kuvend të flitet për vendin, njerëzit, për të gjitha ato sfida që ju u përballët, që duhet të ishit bërë më të vetëdijshëm”.