Rama: T’i rikthehet legjitimiteti KQZ-së, Berisha në panik

Partia Socialiste kërkon rikthimin e legjitimitetit të KQZ-së. Kryesocialisti Rama tha në një konferencë shtypi tha se PS do t’i fitojë zgjedhjet e 23 qershorit, edhe sikur Berisha ta marrë në shtëpi KQZ-në, por shqetësimi më i madh është imazhi që po krijohet për Shqipërinë në sytë e partnerëve europianë dhe amerikanë.

“Pata një komunikim intensive me miqtë dhe partnerët ndërkombëtarë, praktikisht është hedhur në erë KQZ. Përsa na takon në kuptimin e betejës elektorale, Saliu le ta marrë KQZ në shtëpi, nuk është ky problemi ynë. Ky është problemi i Shqipërisë në sytë e botës demokratike. Pavarësisht se ne do të fitojmë, e rëndësishme është që në sytë e ndërkombëtarëve, vendi ynë do të jetë i njollosur me turpin që po i lë në fytyrë kryeministri. I njollosur me faktin që nuk realizoi dot zgjedhje me standarde. Ne kërkojmë kthimin e ligjshmërisë së KQZ, administrimi i zgjedhjeve të ndahet nga vala e panikut që ka përfshirë Berishën dhe partinë e tij familjare”, tha Rama.

Më tej, Rama u shpreh se zgjidhja e ngërçit të krijuar në lidhje me KQZ-në gjendet vetëm në Kodin Zgjedhor, i cili është miratuar me konsensus.

“Zgjidhja është e përcaktuar në Kodin Zgjedhor, dokumenti i rregullave të lojës, shkruar dhe miratuar me konsensus, shkelur me katër këmbët nga kjo shumicë që ka mbetur në duart e tre mercenarëve. KQZ nuk varet as nga Kuvendi, as nga partitë. Ne zgjedhjet do t’i fitojmë me shumicë bindëse. Problemi qëndron te dinjiteti i këtij vendi, te fakti që Shqipëria duhet të ikë nga lista e vendeve të zgjedhjeve pa standarde”, tha