Mekanikët e Red Bullit kanë regjistruar një rekord të ri në ndërrimin e gomave të makinës. Në Çmimin e Madh të Amerikës, zhvilluar në Austin të Teksasit të dielën e fundit, mekanikët ndërruan gomat e makinës së Mark Webber për vetëm 1.9 sekonda. Pilotit australian nuk iu desh të priste as dy sekonda i ndaluar në pit stop, falë shpejtësisë së mekanikëve të tij. Ishin të njëjtët mekanikë dhe për të njëjtin pilot që mbanin edhe rekordin e vjetër, arritur vitin e kaluar në Malajzi, me vetëm 15 të qindtat e sekondës më tepër se koha e arritur të dielën. “Kur McLaren, më 2012 në Gjermani, ndërroi gomat për 2.3 sekonda, dukej se ai rekord do të qëndronte gjatë. Ne në Red Bull kemi dëshmuar se kemi jo vetëm makinat dhe pilotët më të mirë, por edhe mekanikët më të mirë”, thotë me krenari skuadra e Red Bullit në faqen e saj në internet.