Rikthehen maskat në rrugë. Burime zyrtare nga policia e Burrelit bëjnë me dije se mbrëmjen e së premtes, persona ende të paidentifikuar i kanë dalë përpara një furgoni pasagjerësh në aksin rrugor Burrel-Milot, në afërsi të fshatit Bushkash.
Drejtuesi i mjetit, i cili udhëtonte i vetëm, nuk është ndalur dhe për pasojë personat e maskuar kanë qëlluar me armë në drejtim të furgonit, por fatmirësisht pa e lënduar shoferin, i cili ka arritur të largohet me shpejtësi.Policia deklaroi se po vijon hetimet për zbardhjen e ngjarjes dhe identifikimin e autorëve.
Nuk është hera e parë që maskat u zënë pritë makinave në afërsi të fshatit Bushkash dhe nën kërcënimin e armëve u grabisin drejtuesve të mjeteve dhe pasagjerëve varëset, celularët dhe paratë që kanë me vete.