Një efektiv policie ka mbetur i plagosur pasi është aksidentuar nga një drejtues mjeti, i cili u largua nga vendi i ngjarjes.
Policia e Rrëshenit bën me dije se i aksidentuari është punonjës në burgun e Kukësit, Fran Brozi, 60 vjeç.
Sipas të njëjtave burime, mësohet se ai është aksidentuar nga Arjol Perleka, i cili drejtonte mjetin tip ‘Benz’ me targa AA636IV.
Autori është larguar me shpejtësi, ndërsa braktisi mjetin në fshatin Ndërfushas, duke mos i dhënë ndihmën e parë të plagosurit.
Efektivi i policisë u dërguar me urgjencë drejt spitalit të Rrëshenit, ndërsa mësohet se ndodhet jashtë rrezikut për jetën.