Mazhoranca ka rrëzuar amendimin e republikanit Fatmir Mediu, në ligjin “Për kalimin në pronësi pa shpërblim të tokës bujqësore”. Ndryshimet propozuar kishin të bënin me kalimin në pronësi të trojeve në zonën e bregdetit jugor.
Më herët votimit, Mediu argumentoi se nga shtetëzimi, toka i është marrë pronarëve të ligjshëm dhe tani qeveria nuk mund të përdorë dy standarde. Qeveria sipas tij, nuk duhet të luaj me pronat dhe trojet që janë në dispozicion të kompensimit. Por, për mazhorancën, amendamenti Mediu, nuk i zgjidh problemet nga pikëpamja ligjore.
Pas rrëzimit në komisionin e Ligjeve, propozimi ligjor i Fatmir Mediut, do të kalojë për votim në seancë plenare, ku mazhoranca pritet të votojë kundër kësaj nisme.