Në Rumani zhvillohen sot zgjedhjet lokale që e kapin vendin në mes të një krize ligjore dhe institucionale që ka futur në burg ose nën hetim për korrupsion 51 kryebashkiakë në 109 qytetet më të mëdha të vendit, përfshirë edhe kryeqytetin Bukurshet.
Në Bukurshet, përveç kryebashkiakut, presidentët e pesë prej gjashtë minibashkive akuzohen për vepra penale, ndërsa kryebashkiaku i Brasov, George Scripcaru, që është arrestuar në vitin 2015 me akuzat se ka marrë para për kontrata energjetike dhe se ka abuzuar me detyrën, është duke garuar për një mandat të katërt radhazi.
Mes kandidatëve nën hetim është edhe një zëvendëspresidente e partisë Socialdemokrate, Lia Olguta Vasilescu, që hetohet për korrupsion, abuzim me detyrën dhe pastrim parash, e cila pretendon se është e pafajshme dhe po garon për një mandat të dytë për bashkinë e Craiova-s.