Ettore Sequi ka uruar sot gjithë shqiptarët për festën e Pavarësisë. Ai ka theksuar se Shqipëria po përparon në rrugën drejt integrimit. Ambasadori ka kërkuar angazhim të vendit tonë në axhendën e reformave. Sipas tij reformat janë të rëndësishme për aspiratat evropiane të Shqipërisë.
“Me rastin e përvjetorit të 101-të të Pavaresisë së Shqiperisë, i dërgoj urimet e mia të sinqerta popullit shqiptar në këtë ditë të veçantë për historinë e vendit. Ndërkohë që Shqipëria përparon në rrugën e saj drejt integrimit në Bashkimin Evropian, angazhimi i saj në agenden e reformave dhe angazhimi i përtërirë politik ndërpartiak në reformat kyçe janë shprehje të rëndesishme dhe inkurajuese të aspiratave të forta evropiane të Shqipërisë.”- uron ambasadori Sequi.