Selimllari tregon fëmijët, por jo babain e tyre

Lajmi që Valbona Selimllari qenka bërë nënë 3 herë gjatë këtyre viteve i ka shokuar të gjithë! Kjo sepse ajo asnjëherë më parë nuk ka folur për ta, as për babanë e tyre, të cilit as pas kësaj interviste nuk i është bërë i ditur identiteti. Megjithatë, Valbona Selimllari ka pranuar për herë të parë  se ka tre fëmijë, dy djem dhe një vajzë, 9 muajshe. Ishte Sonila Meço, ajo që arriti pas kaq vitesh heshtjeje dhe dhjetëra stërmundime gazetarësh për  t’i nxjerrë qoftë edhe një informacion të tërthortë të bindë një nga personazhet më të dashur të shqiptarëve, që të rrëfejë për familjen e saj. “Ka qenë një zgjedhje e imja që të mos flisja për fëmijët në media. Jam shumë protektive ndaj familjes” ka thënë ajo gjatë intervistës në emisionin “Kontrata” në Agon Channel. Valbona ka rrëfyer se është një nënë tërësisht e përkushtuar dhe se fëmijët mbajnë mbiemrin e saj. Në asnjë moment ajo nuk ka preferuar të flasë për identitetin e babait të fëmijëve, biznesmen dhe investitor i fuqishëm në prodhimin vendas, me të cilin është njohur në fillim-vitet 90-të. Valbona Selimllari edhe kur s’ka qenë e aktivizuar në programe televizive, ka qenë gjithmonë e preferuara e medies, por çuditërisht, askush nuk ka guxuar ose gjithkush ka dashur të respektojë dëshirën e ish-Miss Albania për të mos përmendur me kë jeton. Ky lajm që doli këtë javë nga Valbona ka bërë që shumë të pyesin për babain e fëmijëve, por ndoshta pas 20 vitesh do e bëj publike edhe këtë “detaj” të jetës së saj. E bukura respektohet! Gazeta  Dita nga miq të afërm të Valbonës mësoi se babai i fëmijëve quhet Artan, por nuk kuptohet pse Valbona e mban të fshehtë dhe pse fëmijëve u ka dhënë mbiemrin e saj.