Gara për zgjedhjet vendore të 21 qershorit ka filluar e ethshme nga të dyja krahët e politikës.
Ndërkohë që edhe vetëm pak javë na ndajnë nga afati limit për shpalljen e kandidatëve për kryetarë bashkish, ende nuk kemi një ide të qartë se cilët do të jenë kandidatët realë nga të dy kampet. Nuk kemi ende të qartë dhe aleancat përkatëse të të dy krahëve.
Dhe nuk besoj se përbën ndonjë sekret fakti që në këto zgjedhje që për herë të parë zhvillohen sipas hartës së re të ndarjes territoriale, do të kemi jo vetëm shumë emra të rinj në krye të bashkive, por edhe aleanca të reja zgjedhore.
Përjetojmë një tymnajë emrash që lakohen përditë në faqet e shtypit, emra që shtohen dhe hiqen nga listat jo zyrtare, por asgjë konkrete.
E këta kandidatë potencialë nuk janë sajesa gazetarësh apo fantazi militantësh. Këta emra dalin nga selitë përkatëse të partive të mëdha.
Mbase ato mendojnë se ky është njëlloj testimi para listës së kandidatëve t’u vihet vula. Në pamje të parë duket se nuk ka asgjë të keqe.
Por i parë më nga brenda ky fenomen, kuptoj se e gjithë kjo është një luftë nervash nga PD dhe PS që bëjnë në këtë prag fushate ku testojnë mbështetjen në elektorat.
Mazhoranca aktuale teston mënyrën se si ka qeverisur pas afro dy vjetësh, ndërsa opozita do të mësojë nëse është rritur apo është tkurrur edhe më shumë pas disfatës dramatike që pësoi në zgjedhjet e 23 qershorit 2013./DITA
Na hapet barkun, Politik, Politik, Politik 7 dite ne jave.
Edhe po të kishte java 8 ditë prapë Politikë do ta kishit “Miku”?!? Lufta për karrike e cila prodhon para është shumë e egër,nuk mjafton java me 7 ditë. Tutjeta!
perpara se partit respektive te kanidaturave duhet te zgjidhnin per kanidate ate qe ka platformen , programin se si do manazhoj punet ne bashki, si taksat,punet publike,godinat arsimore, sportin , kulturen,sjellja e investimeve jashte taksave dhe fondeve qeveritare etj
mos te vendosen kanidate injorant vecse jane partiak dhe te bindur ndaj shefit te madh.
sot duhen individ qe te cojne pushtetin vendor ne hapa te sigurt te qendrushmerise. qytetaret te mos largohen nga qyteti i tyre drejte tiranes por te zhvillojne ekonomine dhe duke sjell resurse ne qytetin e tyre. le te vi ne keto zgjedhje provoja evropiane dhe amerikane
“25 vjet fitorje e lavdi’ saqe ia kaluam Gjermanise ne rritjen ekonomike,apo po ia kalojme standarteve te BE “per politiken e shkelqyer’ qe po bejne partite e Shqiperise sikur te ishin armiq me njeri-tjetrin dhe jo konkurente ne politike,tashme mbetet qe vetem te mbyllim syte e veshet e te votojme qorrazi sic na kane mesuar “qe ne kohen e xhaxhit”.