Irritohet Topalli?

Lista e kandidatëve të qarkut të Shkodrës është bërë shkak i pakënaqësisë së Jozefina Topallit? Sipas disa burimeve afer PD në momentin që Berisha ka përfunduar leximin e listës dhe renditjen e qarkut të Shkodrës kryetarja e Parlamentit dhe nënkryetarja e PD-së, Jozefina Topalli është çuar nga tryeza.

Burime brenda PD-së bëjnë me dije se gjatë largimit të saj, Jozefina Topalli, është shprehur se, “Jam me dhimbje koke dhe po largohem. Tani jemi më pak demokratë dhe më shumë qelbësira, – duke lënë të nënkuptohet se kreu i demokratëve ka gabuar me futjen në listën dhe vendet e sigurta për mandat të PD-së të gjithë kryetarët e partive më të mëdha aleate. Futja e kreut të PDK-së, Nard Ndoka, në listën e PD-së në qarkun e Shkodrës dhe sidomos renditja e tij në vend të katërt, ka qerë një nga arsyet  shtyrjes se mbledhjes se PD-së, e cila zgjati nga ora 21.00 e mbrëmjes deri në orën 23.30. Pas përfundimit të mbledhjes, Berisha tha për gazetarët se kishin gabuar në parashikimet e tyre për listën e kandidatëve demokratë, duke theksuar se PD ka hartuar një “listë fituese”.