Personat që mbajnë shtetësinë shqiptare dhe kosovare, janë më të disfavorizuarit në Ballkan për të bërë një jetë kualitative.
Është ky konkluzioni që vjen nga një raport i kompanisë Henlei and Partners, e cila ka marrë nën shqyrtim disa faktorë për të analizuar situtën në të cilën gjendet qytetarët në mbarë botën.
Në klasifikim Shqipëria rradhitet në vendin e 80-të, Kosova mban vendin numër 121.
Të gjithë qytetarët ballkanas janë më të favorizuar: serbët zënë vendin 64, malazezët radhiten të 65-tët, maqedonasit zënë vendin e 66 ndërkohë që boshnjakët rradhiten të 74-tit.
Kompania ka përdorur një sërë faktorësh për analizuar, duke marrë nën shqyrtim mundësitë që kanë shqiptarët dhe kosovarët në vendin e tyre si dhe hapësirat për të lëvizur jashtë shtetit.
Në Ballkan, shteti më i avantazhuar është Greqia e cila ndodhet në vendin numër 21.
Henley and Partners gjykon gjithashtu se shtetësia e cila të ofron mundësitë më të shumta për të bërë një jetë kualitetive është ajo gjermane, e cila ndiqet nga ajo daneze ndërkohë që Finlanda plotëson tre vendet e para.
Ndërkohë, shtetet me mundësitë më të pakta janë Republika e Afrikës Qëndrore, Afganistani si dhe Kongoja.
Për t’u theksuar është fakti se 27 vendet e para në këtë klasifikim janë shtete europiane, ndërkohë që pavarësisht zhvillimit ekonomik, Shtetet e Bashkuara të Amerikës rradhiten në vendin e 28.