SKANDALI/ Basha shpërbleu veten me një kat shtesë (FAKSIMILE)

Shumë qytetarë thonë se Lulzim Basha në katër vite si kryebashkiak nuk ka bërë asnjë punë.

Por faktet flasin të kundërtën.

Ai me firmën e tij i ka dhënë vetes dhe bashkëshortes leje për një kat shtesë në pallatin ku banon.

Dokumentet që disponon DITA tregojnë se kreu aktual i bashkisë pas marrjes së mandatin në tavolinë ka menduar edhe për veten.

Në konflikt të hapur interesi Basha ka hedhur firmën që firma që ka ndërtuasr pallatin ku ai banon të ndërtojë edhe një kat shtesë, pikërisht mbi hyrjen e tij.

Këtë fakt e ka përmendur edhe kandidati i majtë për Bashkinë e Tiranës, Erion Veliaj në një takim me banorët e Njësisë numër 9.

“E dini çfarë kishte bërë Luli në 1 gusht vjet, kur ju mendonit se PD ishte në krizë, që Tirana nuk menaxhohej dhe ky që nuk bëntë asnjë punë. Kujt mendoni se i kishte dhënë leje Lulzim Basha? Lulzim Basha i kishte dhënë leje Lulzim Bashës për të bërë një kat pa leje aty ku ka shtëpinë në katin e 12, për të bërë katin e 13. E gjithë Tirana me moratoriuom për ndërtimet, e gjithë Tirana ndaloi ndërtimet, e gjithë Shqipëria ndaloi ndërtimet, por Lulzim Basha vajti një ditë në punë, pasi kishte 1 vit që rrinte në Hollandë dhe i dha leje Lulzim Bashën për të bërë katin e 13, aty ku ka apartamentin në katin e 12“, theksoi Veliaj.

“Tani, më falni, por përtej humorit, kjo është një shkelje shumë e rëndë e ligjit. Kur vetë kryetari i bashkisë ndërton vetë kur Tirana e ka të ndaluar ndërtimin dhe shton vetë kat, pyetja është si mund të jesh kaq i pafytyrë që të ulesh në karrigen e kryetarit të Bashkisë dhe t’i japësh një leje të paligjshme vetes tënde. Si ka mundësi që këta kanë kurajën i kërkojnë qytetarët votë pasi qytetarët fituan betejën për ndalimin e ndërtimeve me leje tek Liqeni për pallatin e Shkëlzenit. Si ka mundësi? Doktori që jo vetëm tejkalon lejen, jo vetëm shton kate, jo vetëm legalizon një javë përpara se të legalizojë përpara se të ndërrojë pushtetin, por  gjithashtu ka kurajën që t’u kërkojë qytetarëve që na jepni të punojmë edhe katër vjet të tjera“, shtoi Veliaj.

Nga një kontroll i i rregullores se planit vendor, duket që e kishin parashikuar qysh në hartimin e planit këtë shtesë. Por, për çudi, edhe pse ka parashikuar shtesë kati, ka vendosur kushtin që të ruhet i njëjti intensitet ndërtimi, që praktikisht do të thotë se nuk lejohen shtesa në volume.

Një gjë e tillë i jep të drejtë kryetarit të ri të Bashkisë të anulojë lejen e ndërtimit që Basha ja ka dhënë vetevtes.

Po ashtu bie në sy fakti se nuk ka raste të tjera në Tiranë, ku të lejohet shtesë kati e një objekti ekzistues të kësaj lartësie, apo të një lartësie më të ulët.

Të bësh një shtesë në katin e 13 të një pallati duke qenë kryetar bashkie, do të thotë ti japësh fund çdo debati mbi skrupujt moral dhe mbi mënyrën se si e trajton qytetin si pronë private.

Banorët e pallatit që janë komshinj me Bashën, me siguri që do të përjetojnë një periudhë terrori derisa Basha të ndërtojë katin e 13 mbi ta, duke dhënë shembullin më të shëmtuar se si ka pasur ndërmend ta zhvillojë Tiranën.