Sabien Lilaj shënoi golin e vetëm për Skënderbeun, duke i dhënë fitoren e nëntë në kampionat kampionëve, ndërkohë që ish-skuadra e tij fundoset edhe më tepër. Korçarët mundën 1-0 Tiranën, në një ndeshje luftarake, pasi bardheblutë luajtën për të marrë me çdo kusht rezultat pozitiv, duke parë pozitën në renditje. Këmbëngulja e Tiranës e vuri shpeshherë në vështirësi skuadrën e Mirel Josës, megjithatë pagoi një moment shpërqendrimi në pjesën e dytë. Pak sekonda para se të pësonte, Tirana humbi një mundësi të mirë, kur Çota gjuajti mbi tra.
Pas rivënies në lojë, nisi aksioni që solli golin e fitores për vendasit. Gjergji Muzaka krosoi nga e djathta te Sabien Lilaj, i cili kishte mbetur jashtë vëmendjes së mbrojtësve dhe goditi me kokë, duke tundur rrjetën. Pas epërsisë, Skënderbeu u tregua më i zotë në administrimin e lojës, duke rrezikuar dy herë për të shënuar golin e dytë, ndërkohë që edhe Tirana e pati një rast me Kërçikun. Në fund, fitorja i buzëqesh skuadrës vendase, e cila marshon drejt titullit, e shkëputur shtatë pikë nga Partizani, i cili luan sot.
Tirana mbetet me 11 pikë dhe hendeku me zonën e shpëtimit mund të rritet sot, në varësi të rezultateve. Ndërkohë, nga zona e ftohtë është larguar për momentin Bylis, i cili mundi me të njëjtin rezultat Laçin. Edhe pse pa përkrahjen e tifozëve, vendasit kanë dominuar në fushë dhe kanë krijuar disa raste të mirë për shënim, por kanë shndërruar në gol vetëm një prej tyre, me anë të Izuçukut. Në Durrës, Teuta arriti fitoren e parë nën drejtimin e trajnerit Roberto Sorrentino, duke mundur 2-1 Kukësin. Takimi ishte i fortë nga të dyja skuadrat, pasi një pikë e vetme nuk i bënte askujt punë.
Progni e kaloi në epërsi Kukësin, por skuadra vendase barazoi pas disa minutash, me anë të dostit. Julian Ahmataj pati mundësi të kalonte në avantazh Teutën, por gaboi në gjuajtjen e penalltisë. Megjithatë, katër minuta para fundit ishte Nika që rregulloi gjithçka për vendasit, me golin e fitores. Teuta rikthehet te fitorja pas pesë javëve, ndërsa Kukësi nuk e shijon atë në dy ndeshjet e fundit.
Cuditerisht sot kam degjuar komentatorin e takimit Partizani=Besa i cili deklaron:
“Heqja e pikeve Flamurtarit dhe Kukesit ne takimet me te njejten skuader, Skenderbeun, flet shume gjera.”
Te me fale zoti komentator, se nuk ja di emrin,por ai e di shume mire se piket e hequra Flamurtarit dhe Kukesit, nuk ju dhane Skenderbeut dhe per pasoje nuk ka te drejte te beje aluzione se ju qenka bere favor Skenderbeut.
Komentatore te djallezuar, si puna e ketij te mesipermit, nuk duhet te duken ne ekranet tona, sepse shume te tille kane aluduar qysh para tre vjetesh se beheshin favore ndaj Skenderbeut, por ja qe Skenderbeu ka tre vjet qe marshon fitimtar dhe shumica e mbylli gojen ( Pervec ketij komentatorit mistrec)
More GENCI! Nga vjen ti qe nuk e di qe “Skenderbeu” ka 4 jet qe favorizohet nga qeveria e Rakickes. Ja po ta shpegoj me qe te ka humbur kujtesa. Ne s’ gaboj ne kampionatin e vitit 2009 “Skenderbeu” ishte i parafundit me 12 pike poshte vendit te trete nga fundi, qe e nxirrte nje kategori me poshte. Dukej si pa shpetim. Por vjen faza e trete dhe i “fitoi” te gjitha ndeshjet e shpetoi, pastaj filloi “ngritja” e doli 3 here kampion. Ka dhe merita te dy presidenteve Gimes e Takajt, por te ndihmuar nga shefi i financave shqiptare. vetem nje fitore e te gjitha humbje i ka ne kupen e kampioneve. Mos u ekzalto. kjo eshte e verteta.