Sot priten përjashtime nga Basha në Këshillin Kombëtar, Berisha thirrje demokratëve

Pas Kuvendit Kombëtar, Sali Berisha iu ka bërë thirrje të gjithë demokratëve “për të vazhduar  kundër të keqes që ka mbërthyer Shqipërinë”.

Berisha shkruan se nuk është koha e dyshimit por e veprimit duke ftuar të gjithë demokratët të bëhen pjesë e betejës së tij.

Kujtojmë se sot në orën 15:00, Lulzim Basha do të mbledhë Këshillin Kombëtar të PD-së ku pritet të ketë përjashtime.

Në këtë mbledhje pritet të shkakrohet kryetari i Këshillit Kombëtar, Edi Paloka.

Përveç Edi Palokës, do të propozohet edhe shkarkimi i anëtarëve: Belind Kelliçi, Ivi Kaso, Albana Vokshi, Aldo Bumci, Gent Strazimiri, Gert Bogdani, Oerd Bylykbashi, Flamur Noka, Ervin Minarolli, Ledina Mandia, të cilët nuk morën pjesë në mbledhjen e kërkuar nga Basha.

“Të dashur demokrate dhe demokratë!

Kohët e fundit kanë qenë të mundueshme dhe të vështira për Partinë Demokratike. E di qe shume prej jush kanë dyshuar, ndoshta edhe janë trembur për shkak të fushatës së fuqishme lincuese që është mbajtur kundër personit tim dhe lëvizjes së Foltores.

Megjithatë, ne të gjithë së bashku, Delegatë dhe militantë u dhamë përgjigjen më dinjitoze, më të bukur dhe më madhështore dje nëpërmjet mbledhjes historike të Kuvendit Kombëtar të Rithemelimit të Partisë Demokratike thirrur nga Delegatët.

Sot nuk është më koha e dyshimit, sot është koha e veprimit.

Ju pres të gjithëve në shtëpinë e kontributeve, sakrificave dhe idealeve tonë të përbashketa, Partine Demokratike, për të vazhduar betejen kunder te keqes qe ka mberthyer Shqiperine tone te dashur.

Me nderim te veçant per kontributin e secilit prej jush,

Sali Berisha!”, shkruan Berisha.

j.l./ dita