Letër e nënshkruar,
Nga Teki Koka
Tenderi gjatë tranzicionit ka qenë modeli i vjedhjes së shtetit nga shtetarët hajdutë. U shpik dhe “tenderi i hapur”, me procedura ekstra që kanë vjedhur hapur pasuritë e Shqipërisë. Edhe kur vjedhja zbulohet përmes kontrollit, hajdutët i mbron drejtësia e korruptuar me juristë “plepistë”. Qeveria e rilindjes në fakt e mori në dorëzim korrupsionin e regjimit Berisha. Qeveria Rama duhet t’i japë fund menjëherë këtyre praktikave abuzive sidomos me sektorët strategjikë me mineralet e naftën e telefoninë nga veriu në jug etj., ku shteti nuk fiton asgjë. Ajo duhet edhe të kalojë kompetenca tek institucionet vendore që zgjidhen direkt me votën e popullit. Prandaj Shqipëria klasifikohet e fundit në rajon dhe pas 25 vite tranzicion pse pasuritë e saj gjithmonë janë vjedhur nga pushtetarët.