Një tërmet me magnitudë 4.8 ballë e shkallës Rihter është regjistruar sot pasdite në Itali. lëkundjet janë ndier rreth orës 15:50 në Bolonja, Modena e Rexho Emilia. Ndërkohë, një lëkundje e lehtë është ndier edhe në Milano, në mënyrë të veçantë në katet e larta të ndërtesave. Autoritetet bëjnë të ditur se nuk ka pasur viktima apo të lënduar. Gjithashtu, nuk janë regjistruar as dëme materiale, por njerëzit janë mbërthyer nga paniku për disa sekonda.
Zonat në fjalë janë prekur nga tërmeti edhe vitin e kaluar. Në maj të 2012-s, një tërmet me magnitudë 6 ballë në rajonin e Emilia Romanjës shkaktoi 17 viktima dhe la pa strehë mbi 3 mijë banorë. Dëmet materiale ishin jashtëzakonisht të mëdha.