Kombëtarja U-17 kaloi në epërsi përballë Italisë, por nuk mundi ta ruante, duke dalë e mundur nga stadiumi i Zhlinit. Kuqezinjtë e Shqipërisë u mundën 2-1 nga të kaltrit, nënkampionë të Evropës për këtë kategori moshe në edicionin e kaluar. Keidi Bare i Atletiko Madrid shënoi golin e parë për Shqipërinë, në minutën e 14-të, por italianët u përgjigjën në të 28-tën. Në pjesën e dytë, Italia fitoi një penallti që e ktheu në gol, duke kaluar në avantazh, të cilin e ruajti deri në fund. Në ndeshjen tjetër të Grupit 4 të Elite Round, Anglia fitoi 1-0 me Republikën Çeke, vendi pritës i grupit. Nesër Shqipëria do të ndeshet pikërisht me Anglinë, që është një nga skuadrat më të forta në këtë moshë.