Dy të rinj janë shpëtuar nga policia kufitare e Vlorës, pasi kishin hyrë për t’u larë në det. Bëhet e ditur se ata ishin në gjendje të alkoolizuar.
Policia e këtij qyteti ka njoftuar se dy të rinjtë, rreth 21 vjeç nga Sauku i Tiranës, nuk arritën të dilnin nga uji. Ata nuk ishin në gjendje të notonin për shkak të konsumimit të tepërt të pijeve alkoolike.
Sipas burimeve policore, dy të rinjtë janë vënë re nga pushuesit e tjerë, të cilët kanë njoftuar menjëherë policinë kufitare. Kjo e fundit ka ndërhyrë në kohë, duke bërë të mundur nxjerrjen e të tyre shëndoshë e mirë.