Një 23-vjeçare në Britani ka fobi nga të gjitha ushqimet, përveç patateve. Claire Jones thotë se sëmuret nëse ha ushqime të tjera. Ajo thotë se stomaku i saj pranon vetëm patatet, ndonjëherë djathin dhe sallatën me lakër. Ajo thotë se edhe era e ushqimeve të tjera e bën të ndihet keq. Por pavarësisht kësaj, vajza pranon se kjo mënyrë ushqyerjeje do ta sëmurë shpejt, pasi sistemi i saj imunitar është dobësuar. “Ndihem e lodhur gjatë gjithë kohës. Por ushqimet e tjera më bëjnë të bie në panik. Nuk mund të dal me miqtë për një darkë dhe as të marr pjesë në bankete. Jeta ime është totalisht e kufizuar”, thotë ajo.