Të premten e shkuar, dy grabitës u futën në një dyqan lojërash në Montgomery të Maryland, SHBA.
Të pajisuar më armë, ata i urdhëruan të gjithë që të shtriheshin përtokë.
E teksa punonjësit dhe një çift bashkëshortësh u bindën, nuk mund të thuhet e njëjta gjë për djalin e tyre.
Ai është vetëm 7 – vjeç, por në vend se të frikësohej, i vogli shkoi përballë njërit prej grabitësve dhe nisi ta godiste atë me grushta.
Siç mund të shihet edhe në videon pak më lart, ai u neutralizua lehtësisht nga grabitësit, megjithatë sjellja e tij prej “superheroi”, bëri që kjo video të pushtonte mediat.
Fatkeqësisht, pavarësisht trimërisë të së voglit, dy grabitësit arritën të merrnin paratë nga dyqani dhe policia vijon të jetë në kërkim të tyre.