Këto janë fotot dhe videot, të cilat tregojnë trafikimin e shqiptarëve dhe dy britanikët. Videoja e cila është filmuar ditën e shtunë, më 28 maj në orën 4: 43 pasdite, tregon një burrë i cili mbante një varkë duke u drejtuar nga deti në Dymchurch, Kent.
Kjo varkë besohet të jetë e njëjta që është përdorur për të sjellë emigrantët shqiptarë, përgjatë kanalit La Mansh.
Gjithashtu në një video tregohet se pak para mesnatës, rreth kohës së njoftimit për përmbysjen e varkës, është kapur një tjetër varkë i cila po shkonte të njëjtin drejtim.
Një peshkatar 40-vjeçar tha se, ai i kishte parë trafikantët në varkë pasditen e së shtunës.
Në orët e para të së dielës, 18 shqiptarë dhe dy britanikë u shpëtuan dhe u sollën në breg në Dymchurch, pasi varka e tyre filloi të fundosej. Dy burra ndodhen në gjykatë me akuzën trafikimit të emigrantëve.
Një grup prej rreth 150 emigrantësh shqiptarë u panë në një kamp me tenda pranë shkëmbinjve në Dieppe, në veri të brigjeve veriore të Francës.
Duke qënë se kampi në Kale u shkatërrua nga buldozierët dhe masat e sigurisë në hyrje të tunelit të La Mansh janë rritur, një numër i madh emigrantësh po përpiqen të gjejnë forma të tjera, për të hyrë në Britani, duke përdorur Dieppe.
Televizioni Channel 4 News ka zbuluar dhjetra të rinj shqiptarë duke fjetur në tendat pranë brigjeve, jo shumë larg qytetit.
Ata thanë se çadrat e tyre ishin goditur nga gurët të cilët kishte rënë mbi ta nga shkëmbinjtë.
I pyetur se çfarë po kërkonte, Landi një 20 vjeçar shqiptar i reporterit:
“Jo ndonjë gjë të veçantë. Të shkojmë në punë çdo ditë, të kthehemi në shtëpi, të flas me miqtë e mi në internet. Asgjë të veçantë”
Channel 4 News raporton se trafikantët akuzohen se marrin 7 mijë sterlina për të kaluar emigrantët në Britani.
Reporteri gjithashtu foli edhe me një tjetër emigrant shqiptar, që u kthyen mbrapsht nga Southampton.
Channel 4 in raportoi se bashkia e Dieppe kishte lejuar emigrantët që ta kalonin natën në stacionin hekurudhor të qytetit.
