Grabitet me armë banesa e një biznesmeni në Vlorë. Ngjarja ka ndodhur orët e vona të mbrëmjes së djeshme, pranë spitalit rajonal të qytetit bregdetar. Sipas informacioneve që vinë nga policia, grabitja është kryer nga disa persona të paidentifikuar dhe të maskuar, ndërsa nuk ka të lënduar. Janë dëgjuar të shtëna arme dhe më pas është raportuar grabitja. I dëmtuari njihet si tregtar i kafesë dhe me aktivitet në biznesin e naftës. Emri i tij nuk u bë i ditur, por nuk konfirmohet as shuma e parave që është grabitur.