Gjykata e Tiranes ka vendosur sot dënimin me burgim përjetë për Aldo Hoxhën, 20-vjeçarit akuzuar për vrasjen e Fatbardha Tafës gjatë përpjekjes për t’i vjedhur asaj varësen e floririt.
Vendimi është marrë gjatë seancës së sotme, në të cilën i pandehuri ka mohuar akuzat, duke kërkuar drejtësi dhe duke thënë se nuk ka lidhje me vrasjen për të cilën akuzohet.
“Nuk e dini ju se cfarë kam hequr nga policia që të pohoj krimin”, tha ai në sallën e gjyqit.
Trupi gjykues ka deklaruar vendimin, pa dhënë arsyetimin e tij, që pritet të mësohet me vonë. Mbrojtja ka kërkuar pafajësi per klientin e tij, duke pretenduar manipulimin e shume provave.
Ndërkohë që edhe prokuroria e Tiranës kishte kërkuar gjatë pretencës dënim me burg përjetë për të.
Sipas akuzës i pandehuri Hoxha është personi që më 7 gusht 2012, tek Fusha e Aviacionit qëlloi me thikë viktimën Fatbardha Tafa, pasi u përlesh me gruan me qëllim grabitjen e varëses së floririt.
Sipas akuzës, prova kryesore është ADN-ja e një fijeje floku e gjetur në një kapele, gjurmët e gjakut dhe të djersës brenda saj, që përputhen me të akuzuarin. Prokuroria mbështetej në përshkrimin fizik që i kanë bërë agresorit dëshmitarët okularë në vendin e ngjarjes.
Hajde pushime te mbara o mi halesh! A ia pe hajrin vareses o pleh qe do kalosh jeten burgjeve?
Shpresoj qe shpirti i te ndjeres dhe familjaret e saj te ndihen me te lehtesuar.
Qofte ky vendim mesim i mire per gjithe ata morra te vegjel qe vijne verdalle neper Shqiperi dhe bejne krime te tilla.
Gjykatat po marrin kthesen e duhur.
Ky u denua per nje qime floku gjendur ne nje kapele prane vendit te ngjarjes. Si ka mundesi qe ky merr burgim te perjtshem kurse ata gardistet qe vrane live ne kamera jane te lire??? A ka vrasje te nje lloji dhe vrasje te ndonje “lloji tjeter”?