Armina falënderon “mashkullin e saj”

Pak përpara fillimit të mbrëmjes gala të “Dancing With The Stars”, mbërrin në zyrat e produksionit kjo superbuqetë me trëndafila, e kompozuar në formë zemre, e cila kishte si marrëse bukuroshen Armina Mevlani…  Por situata ishte e bërë serioze kur, Armina kishte filluar të përlotej pasi kishte parë atë çka ishte shkruar në pusullë : “Shkëlqe si princeshë, digj si venus dhe jep sharmin që vetëm ti di ta japësh. Z“.  Kush është Z-ja do të thoni ju? Sipas informacioneve të afërta pranë saj, Z – është shkronja e parë e emrit të shkurtuar të Shkëlzen Berishës (Zeni), djalit të ish-kryeministrit të vendit, me të cilin bukuroshja Mevlani jeton prej disa kohësh një histori të bukur dashurie.  Menjëherë pas përfundimit të spektaklit Armina ka hedhur në “Instagram” foton e luleve me nënshkrimin: ” Mashkulli im më ka sjellë këtë buqetë surprizë me një dedikim romantik. Ai di se si të më bëjë të lumtur dhe të dashur. Të dua më shumë se ç’mund të thonë fjalët”, – ka shkruar prezantuesja.