Zogu i Tiranës kërkon punë në bashki: Basha më premtoi

Hermes Nikaj i drejtohet Bashkisë së Tiranës për të kërkuar punë si zëdhënës. Djaloshi që u bë i njohur fillimisht si Zogu i Tiranës, në emisionin e mëngjesit te KLAN-i, ka aplikuar për punë në bashkinë e kryeqytetit, pas premtimit të kryetarit Basha, në emisionin “Zonë e lirë”. Suplementi i gazetës “Panorama”, shkruan sot se ka kontaktuar 22-vjeçarin Nikaj, i cili është shprehur se një ditë pas premtimit të Bashës, ai i është drejtuar Bashkisë së Tiranës dhe ka plotësuar një formular takimi me Bashën, bashkëngjitur dhe me një CV të tijën.