Është hapur një tjetër zyrë pune. Kësaj radhe në Elbasan. I pranishëm në inagurimin e zyrës së punës ka qenë kryeministri Edi Rama. “Hapja e kësaj zyre në këtë qytet ishte e nevojshme pasi, ky është një qark me papunësi të lartë. Qarku i Elbasanit renditet i treti për papunësinë”, tha Rama, i cili nënvizoi më tej, se shkollat profesionale duhet të jenë të lidhura me biznesin. Kryetari i bashkisë së Elbasanit, Qazim Sejdiu tha se Elbasani ka nevojë për punësim. “Elbasani, duhet jetë epiqendra e punësimit”, u shpreh ai më tej. Ndërsa ministri i Mirëqenies Sociale, Erjon Veliaj tha se, kjo zyrë punësimi është edhe një vend ku mund të punësohen të kthyerit nga emigracioni.