Kryeministri francez Jean Castex ka njoftuar mbrëmjen e djeshme masat e reja kufizuese për parandalimin e përhapjes së COVID-19.
Nga e diela në mbrëmje kufijtë e Francës me vendet jashtë Bashkimit Europian do të jenë të mbyllura duke përjashtuar vetëm rastet emergjente.
Për vendet e tjera do të kërkohet një test negativ i bërë në 72 orët e fundit.
Castex tha se mutacionet e COVID të gjetura në Britaninë e Madhe dhe në Afrikën e Jugut përbëjnë një kërcënim serioz për Francën por shprehu optimizëm se bllokimi i tretë brenda vendit mund të shmanget.
Nga e diela do të mbyllet edhe qendrat e mëdha tregtare me përjashtim të dyqaneve ushqimore.
“Ditët e ardhshme do të jenë kritike”, paralajmëroi Castex, duke vënë në dukje se situata shëndetësore në Francë është më e mirë se në vendet e tjera, por mbetet shqetësuese.
o.j/dita