Ministrja e Financave dhe Ekonomisë, Anila Denaj zhvilloi një takim me përfaqësues të enteve publike në Shkodër, ku u shpreh se, objektiv është komunikimi i qasjes që ka qeveria shqiptare dhe ministria ndaj procesit të fiskalizimit.
“Drejtoria Rajonale në qytetin e Shkodrës, por edhe zyrat qendrore kanë në mënyrë të vazhdueshme një komunikim, se cilat janë modalitetet e fiskalizimit dhe çfarë është fiskalizimi”, theksoi Denaj.
Sipas ministres, fiskalizimi është një protokoll IT-je, një software, i cili sipas kërkesave të rritura të administratës tatimore kërkon që të dhënat të mos jenë një herë në fund të ditës, në administratë tatimore, por të jenë në kohë reale, në çdo moment që realizohet një transaksion.
“Ka dhe një element tjetër që, si rezultat i lehtësimeve fiskale, qeveria ndërmori vitin e kaluar, në kuadër të rimëkëmbjes ekonomike që, duke vendosur në fokus biznesin e vogël, lehtësoi nga tatimi i fitimit bizneset që e kanë qarkullimin deri më 14 milionë lekë dhe rriti pragun e TVSH-së nga 2 milionë në 10 milionë”, shtoi Denaj.
Në qytetin e Shkodrës janë rreth 450 biznese, të cilat përfitojnë nga masat lehtësuese fiskale.
Gjithashtu, janë 92 ente publike, 36 biznese të angazhuara në transaksione, si dhe 167 fatura elektronike të lëshuara deri tani në këtë rajon.
j.l./ dita
Fiskalizimi nuk eshte sistem IT o zonja Ministre eshte Besimi Individit te struktura shtetrore per perfitim ne te ardhmen ne baze te kontributit qe jep. I pe fermert sot qe kerkonin certifikaten e pronsis. Nuk e kemi thon kemi 20vjet qe paguajm taksa po shteti nuk e jep certifikaten prandaj nuk perfitojm nafte. Qe te perfitoj naft pa akcize fermeri nje nga pikate eshte pronsia mbi token qe nuk e ka se nuk ja jep shteti certifikaten. Prandaj pralla me fiskalizim mos lexo se nuk funksinon shteti jo individi ne ket vend. Ti ke merakun e tenderit te rradhes jo fiskalizim se u be fiskalizimin gogol ne ket vend.