SMS në DITA
Në 0689073730
Respekte Dita. Një shqetësim që nuk po gjen zgjidhje, akoma në lidhje me furgonat pa licensa, pa patentën përkatëse e pa dokumenta që qarkullojnë lirshëm në rrugët e superstradat tona. Kaq me zor të madh e paskan ndalimin dhe ndëshkimin e kësaj kategorie policët e qarkullimit, apo po vazhdon akoma korrupsioni me lekë në dorë? Mirë policitë bashkiake ja fusin gjumit dhe bëjnë sikur nuk i shohin, po Policia Rrugore nga Kavaja në Durrës e nga Durrësi në Tiranë, nuk e kanë mundësinë t’i kontrollojnë dokumentat e furgonave? Po Policia Tatimore në gjumë është?
Një sugjerim kisha për disiplinimin e këtij shërbimi. Gjithë autobuzat dhe furgonat të pajisen me ngjyrën përkatëse për këtë shërbim, e mos të lihen si deri më sot, ca me targa të verdha e ca me të bardha. Bashkitë përkatëse për vitin e ri të mos i rinovojnë licensat mjeteve nga komunat, por vetëm atyre që janë me banim nëpër qytete. Faleminderit Dita e dashur!