Dy infermierë kanë ndërruar jetë dje nga koronavirusi.
Lajmin e trishtë e njoftoi Shoqata e Infermierëve të Shqipërisë përmes postimeve në faqen zyrtare. Viktimat janë Nerim Vaçi infermier në Mat dhe një tjetër infermiere nga Lushnja.
“Si pasojë e Covid-19, ditën e sotme është ndarë nga jeta një infermier nga Mati Nerim Vaçi. Shoqata e Infermiereve i shpreh ngushëllime familjes dhe kolegeve”, ishte njoftimi i parë nga shoqata.
Por, pa kaluar shumë minuta, shoqata bëri një tjetër njoftim për një tjetër humbje nga bluzat e bardha.
“Serisht humbje jete mes Infermierëve nga Covid-19. Infermierja nga Lushnja ka ndërruar jetë pas betejës me këtë semundje. Shoqata e Infermiereve i shpreh ngushëllime familjes së Erjoles dhe kolegëve te saj”, mbyllet postimi.
Ajo ishte nënë e dy fëmijëve dhe një profesioniste në punën e saj, ndërsa lajmi ka lënë të tronditur familjarët, miqtë dhe kolegët e saj.
Në luftën me koronavirusin prej marsit të kaluar kanë humbur jetën shumë mjekë dhe infermierë.
j.l./ dita
I qofte dheu i lehte! Humbje tragjike. Faleminderit per punen tuaj.