PAMJE TË RËNDA/ Del videoja e ekzekutimit të 31 vjeçarit në mes të Vlorës, ja momenti kur autorët zbrasin kallashnikovin mbi të riun

Tauland Gjikaj u qëllua për vdekje në mes të ditës në qytetin e Vlorës këtë të mërkurë, nga autorë që u larguan menjëherë nga vendngjarja.

ABC ka publikuar pamjet e momentit të ekzekutimit të 31-vjeçarit Gjikaj mesditën e sotme në rrugën “Transballkanike” në Vlorë ku pamjet janë mjaft të rënda.

Në videon e marrë nga kamerat e sigurisë shfaqen dy persona që dalin nga një makinë dhe i drejtohen viktimës i cili është duke ecur në këmbë në rrugë dhe ndërkohë autorët janë të pamaskuar.

I pari i drejtohet Gjikajt përballë ndërsa pas tij qëndron një tjetër që ka zbrazur menjëherë armën, teksa 31-vjeçari bie në tokë pas plumbave dhe tenton të nxjerrë armën nga brezi, por autorët largohen me shpejtësi.

Policia tha se për këtë ngjarje është arrestuar njëri nga autorët e dyshuar të vrasjes, i cili është Hans (Andi) Jonuzaj. Ai u arrestua në momentin që po tentonte të largohej me makinën e tij tip “Ford”, brenda së cilës u gjet edhe një armë zjarri kallashnikov.

Viktima ishte person me precedent penal i përfshirë në disa ngjarje kriminale dhe pista e parë që po hetohet lidhet me larjen e hesapeve mes bandave për hakmarrje ose prishje pazaresh.

Viktima përdorte disa identitete, njihej edhe si Taulant Beqiraj dhe Taulant Manaj. 31-vjeçari është djali i një ish-punonjësi policie. Pas vrasjes, në momentin e këqyrjes së vendit të ngjarjes policia i ka gjetur në brez edhe një armë zjarri tip pistoletë.

h.b/dita