Reagon Materniteti: Projekti ruan auenticitetin, godina ishte shpallur e pabanueshme nga Instituti i Ndërtimit

Materniteti reagoi në rrjetet sociale lidhur me kritikat për prishjen e një pjese të godinës.

Në reagim thuhet se do ruhet autenticiteti i godinës historike dhe do rindërtohet e zgjerohet shtesa që ishte dëmtuar nga tërmeti i 21 shtatorit të vitit 2019.

Për më tepër në shkrimin e publikuar nga institucioni shtohet se godina ka qenë e shpallur e pabanueshme nga Instituti i Ndërtimit, pasi nuk kishte siguri për shkak të dëmtimeve.

Fillimi i punimeve për rindërtimin dhe zgjerimin e Maternitetit “Mbretëresha Geraldinë” është një moment shumë i rëndësishëm jo vetëm për ne si staf mjekësor, por së pari për kujdesin dhe shërbimin dinjitoz për nënat e reja dhe të porsalindurit.

Projekti i rikonstruksionit dhe zgjerimit të spitalit tonë, ruan autenticitetin e godinës historike dhe rindërtohet e zgjerohet shtesa që ishte dëmtuar nga tërmeti.

Sqarojmë se, pjesa e shembur që do të ndërtohet nga themelet ishte jashtë funksionit që prej tërmetit të shtatorit, e shpallur e pabanueshme nga Instituti i Ndërtimit, sepse nuk kishte siguri për shkak të dëmtimeve dhe ishte e rrezikshme për të punuar dhe për të mbajtur aty nënat dhe të porsalindurit.

Ndërsa godina kryesore do rehabilitohet, do të ruhet fasada dhe gjithë elementet historike.

Ky është një projekt i shumëpritur për ne si staf mjekësor, pasi do të sigurojë kushte dinjitoze për nënat e reja dhe fëmijët që vijnë në jetë në maternitetin tonë.”

– Drejtoria e Spitalit “Mbretëresha Geraldinë”

#SUOGJMBRETËRESHAGERALDINË

#NëShërbimTëJetës #MeCilësinëMëTëMirë

#RindërtimiiMaternitetit #Shëndetësia

c.r / dita