Ish-ministri i PS është i sigurtë që fiton edhe në Shkodër, edhe në Dibër edhe në Kukës

Gjatë një interviste televizive drejtuesi politik i qarkurt të  Shkodrës  nga kampi socialist, Ilir Beqja, ka deklaruar pritshmëritë e partisë  për këtë qark në zgjedhjet e 25 prillit.

Beqja theksoi se Partia Socialiste në Shkodër do të arrijë objektivin bazë që janë 4 mandate.

Duke bërë një analizë të situatës politike në veriun e vendit Beqaj deklaroi se sipas pritshmërive që ai ka PS pritet të fitojë në Dibër, dhe të ketë një rritje në qarkun e Kukësit por pa e ndryshuar rezultatin 2-1 në favor të kundërshtarëve.

“E gjithë skuadra jemi në terren, deri tani fushata ka ecur normalisht. Besoj se komunikimet janë të hapura, të sinqerta dhe të drejtpërdrejta, të vogla në numër në terren, por me numra më të mëdhenj online si pasojë e pandemisë. Unë besoj se në Shkodër do të arrijmë objektivin bazë që është 4 mandate.

Unë gjithashtu besoj se situata në Dibër është goxha pozitive për ne, aty mandatet kanë rënë nga 6 në 5. Rruga e Arbërit do të japë efektin e vetë dhe unë parashikoj një fitore në Dibër. Në Kukës nuk presim ndonjë ndryshim nga 2 me 1.

Unë duke qenë drejtues politik i qarkut Shkodër për atë çfarë kam marr nga PS-ja duhet që të sigurojë objektivin bazë prej 4 mandatesh, pavarësisht sa vota merr njëri apo tjetri.

Të vetmit aleatë në këto zgjedhje ne kemi socialistët dhe mbështetësit tanë. Nuk na duhet të bëjmë koalicione parazgjedhore për të arritur fitoren e Partisë Socialiste. Gjykojmë se ja dalim të përballojmë të vetëm këtë garë elektorale në Shkodër” u shpreh Beqaj.

c.r / dita