Tre të rinjë kanë rënë në prangat e Policisë së Fierit pasi pasditen e djeshme kanë tentuar të vrasin me armë zjarri një shtetas tjetër, Pashk Palnika nga Tropoja por banues në fshatin Sulaj, Fier.
Sipas Policisë, në pranga kanë rënë shtetasit:
– Kiri Menica, 22 vjeç, lindur në Fier dhe banues në fshatin Sulaj, (i cili ishte më masë sigurie “Arrest shtëpie”).
– Mirand Menica, 48 vjeç, lindur në Fier dhe banues në fshatin Sulaj.
– L. B., 34 vjeç, lindur në Librazhd dhe banues në fshatin Sulaj.
– U shpall në kërkim dhe po punohet për kapjen e shtetasit R. M., 44 vjeç, lindur në Fier dhe banues në fshatin Sulaj.
Këta shtetas në bashkëpunim me njëri tjetrin, për motive të dobëta, ditën e djeshme kanë tentuar për të vrarë me armë zjarri pistoletë shtetasin P. P., 33 vjeç, lindur në Tropojë dhe banues në fshatin Sulaj, i cili ndodhet në spitalin e Fierit nën kujdesin e mjekëve.
Në cilësinë e provës materiale në vendin e ngjarjes u sekuestrua një gëzhojë dhe një pushkë.
Materialet procedurale për hetime të mëtejshme i kaluan Prokurorisë pranë Gjykatës së Shkallës së Parë Fier për veprat penale “Vrasje me paramendim e kryer në bashkëpunim e mbetur në tentativë”, “Armëmbajtje pa leje” dhe “Largim i të dënuarit nga vendi i qëndrimit”.
m.m/ dita