Ministria e Arsimit ka shqyrtuar dhe ka pranuar propozimin e Komitetit Teknik të Ekspertëve të cilët sot propozuan që të rihapeshin shkollat pas një periudhe të gjatë që mësimi është ndjekur online për shkak të pandemisë.
Në një video-mesazh në Facebook, Kushi tha se javën tjetër, duke nisur nga e hëna, të gjithë nxënësit do të mund të kthehen në klasat e tyre, sigurisht nën zbatimin e rregullave të vendosura nga Komiteti Teknik për mospërhapjen e Covid-19.
Statusi i Kushit:
Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.
JAVËN TJETËR RIHAPEN SHKOLLAT: Deri këtu ia kemi dalë me sukses vetëm falë bashkëpunimit, mirëkuptimit dhe solidaritetit që treguam për njëri-tjetrin
Duke njoftuar me kënaqësi hapjen e rrugës për rikthimin e të gjithë nxënësve, prindërve dhe mësuesve në shkolla, mbetet absolutisht e domosdoshme që të mos harrojmë, se lufta që po fitojmë ende nuk ka mbaruar Prandaj suksese në këtë fundvit shkollor të gjithëve dhe një apel për të gjithë, që të vazhdojmë të respektojmë rregullat për t’ia dalë deri në fund.
Sot, Komiteti Teknik i Ekspertëve propozoi që nxënësit e arsimit parauniversitar të kthehen në shkolla, duke ‘braktisur’ kështu edhe skenarin e kombinuar të mësimit me turne.
j.l./ dita