Senatori Marco Rubio është në krye të thirrjeve për të marrë më seriozisht raportimet për UFO-t, në një kohë kur pritet publikimi i një raporti qeveritar mbi të njëjtën temë.
Rubio, i cili kryeson Komitetin e Inteligjencës në Senat, ka kërkuar që një kopje e paklasifikuar e raportit të tregohet në Kongres.
Gjatë një interviste në “60 Minutes”, në CBS, Rubio tha se “çdo gjë që hyn në hapësirën ajrore dhe që nuk duhet të jetë aty, përbën kërcënim”.
Ish-togeri i Marinës, Ryan Graves, i tha CBS se ai dhe anëtarët e tjerë të skuadriljes së tij luftarake F/A-18 zbuluan pamje të pashpjegueshme të UFO-ve, të njohura gjithashtu si “fenomene ajrore të paidentifikuara” (UAP), në hapësirën ajrore të kufizuar në juglindje të Beach Virginia “çdo ditë për të paktën dy vjet”, duke filluar në 2014.
Pentagoni konfirmoi se nuk mund t’i identifikonte imazhet e këtyre UAP-ve, ndërsa Graves tha se nuk e përjashton mundësinë se ato mund të jenë teknologji e zhvilluar nga qeveritë e Rusisë ose Kinës.
“Unë jam i shqetësuar, sinqerisht … nëse këta do të ishin avionë taktikë nga një vend tjetër që rrinë atje lart, do të ishte një çështje shumë e madhe. Por për shkak se duket paksa ndryshe, ne nuk jemi të gatshëm të përballemi me problemin. Nuk mund të jemi të lumtur duke thjesht shpërfillur faktin që ata janë atje, duke na parë çdo ditë”.
Loue Elizondo, ish-drejtori i Programit të Avancuar të Hapësirës në Pentagon për Identifikimin thotë se nganjëherë ka “shpjegime të thjeshta” për UAP, herë të tjera jo aq të thjeshta, por ato do të kalojnë nëpër verifikimin e duhur.
Rubio thotë se ka një “stigmë” në Capitol Hill kur bëhet fjalë për UAP dhe nuk duhet të jetë kjo pengesa për t’i dhënë përgjigje një pyetjeje thelbësore.
“Unë dua që ne ta marrim seriozisht dhe të kemi një proces për ta marrë seriozisht. Unë dua që ne të kemi një proces për të analizuar të dhënat sa herë që ato vijnë. Që të ketë një vend ku kjo katalogohet dhe analizohet vazhdimisht, derisa të marrim disa përgjigje. Ndoshta ka një përgjigje shumë të thjeshtë, por ndoshta nuk ka”.
n.s. / dita
Po po teknollogji Qineze dhe Ruse jane që punojne me oriz qinez dhe qymur rus….ose nafte amerikane.
Pranoni sa me shpejte qe gjithe teknologjia e sotme eshte dhurate nge jashte tokësoret …e mos u merakosni shume për kokat nukleare se ata i kane vet nën kontroll sa me shpejt aq me mire dhe qe nga 2014 mbaroi marreveshja midis jush dhe atyre per te bere publike gradualisht ekzistencen e tyre,sepse berja publike e tyre do te thote fundi pushtetit tuaj.
Tani…ATA vet e kane ne dorë se kur do te dalin ne publik se rastat jane shtuar ju mbani shenim vetem datën
E more senator! Kujton ti se do te jape llogari Pentagoni ty per eksperimentet e tija me dritat lazer dhe gjithfare lojrash te tjera! Guxo dhe ngrije edhe pak zerin, dhe do te shohesh se shqetesimi do te te japi nje atak zemre! Pas nje muaji je harruar! Kjo eshte demokracia amerikane dhe perendimore qe kerkuam ne kohe te E. Hoches! Na fal o Enver, se nuk te besuam ne ato qe na thoje!