Dhoma Amerikane e Tregtisë në Shqipëri publikoi sot “Agjendën e Investimeve 2021”, një paketë me 40 rekomandime drejtuar Qeverisë dhe Parlamentit të ri me synim përmirësimin e shpejtë të Klimës së Biznesit.
Agjenda e Investimeve është rezultat i punës së 10 muajve të fundit, ku Dhoma Amerikane realizoi një seri anketimesh me anëtarët e saj, ndjekur nga analiza teknike ekspertësh, për përmirësimin e klimës së investimeve. Perceptimi dhe gjetjet e anëtarëve konfirmohen dhe përputhen me gjetje të ngritura nga raporte të mirënjohura ndërkombëtare.
40 rekomandimet specifike në raport janë të organizuara në 8 themele përmirësimi të klimës së biznesit duke parashikuar sfidat, zgjidhjet dhe mundësitë e reja që krijohen.
Implementimi i këtyre rekomandimeve garanton ndërtimin e një klime biznesi dinamike dhe shndërrimin e Shqipërisë në një vend konkurrent në rajon. Dhoma Amerikane do jetë e gatshme të ofrojë asistencën e saj në kthimin e rekomandimeve ne legjislacion, ndërsa do të vijojë dialogun me të gjitha palët politike dhe institucionale me nisjen e Sesionit të ri Parlamentar.
1. Miratimi i një Strategjie Investimesh që duhet të implementohet dhe monitorohet nga nivelet më të larta të qeverisë.
2. Shkurtim i procesit burokratik për investimet, sidomos në kohëzgjatjen e hapave proceduralë.
3. Legjislacion për një paketë progresive me incentiva për të shyrë investimet afatgjata dhe të qëndrueshme.
4. Vendosja e rregulloreve antitrust dhe kundër konkurrencës së lirë, për të mos lejuar monopolet dhe përqendrimin e tregjeve.
5. Mbështetje për përforcimin e kontratave të biznesit duke garantuar një nivel minimal funksionimi të drejtësisë.
6. Stimulim i zhvillimit të fondeve private të investimit dhe instrumenteve të tjerë të investimit.
7. Miratimi i mjeteve të shoqërisë civile për Llogaridhënien publike dhe mbikëqyrjen e veprimeve të qeverisë dhe administrimin e buxhetit të shtetit.
8. Miratimi i një legjislacioni kundër ryshfetit duke shënjestruar pikat ku qeveritë kanë dështuar në të kaluarën dhe të të tashmen.
9. Eliminimi ose minimizimi i “përjashtimeve të veçantave” nga prokurimi publik për të pakësuar rrezikun e aktiviteteve korruptive.
10. Rritja e transparencës së veprimeve të qeverisë.
11. Miratimi dhe incentivizimi i një koalicioni aktivistësh nga media, bzinesi dhe shoqëria civile për të mbështetur programin antikorrupsion të qeverisë.
12. Forcimi i transparencës së proceseve të prokurimit publik, duke përshtatur korniza ligjore ndërkombëtare dhe direktivat e BE.
13. Përcaktimi i kushteve dhe eliminimi / pakësimi i përdorimit të “përjashtimeve të veçanta” nga fondet publike.
14. Zhvillimi i një mekanizimi zbatues i legjislacionit në fuqi për t’i bërë agjencitë publike dashamirëse ndaj konsultimeve.
15. Rritja e transparencës në proceset e konsultimit, duke bërë të detyrueshme publikimin e transkriptove të takimeve pulike dhe komenteve të grupeve të interesit.
16. Përfshirja e projektligjeve të Këshillit të Ministrave në procesin e konsultave publike.
17. Përcaktimi i rrethanave kur organet publike duhet të bëjnë njoftime paraprake.
18. Spedifikimi i kushteve kur dhe si mund të përsërisin apo të zgjasin agjencitë publike një proces konsultimi.
19. Procedura specifike për të menaxhuar ankesat dhe apelimet.
20. Amendim i ligjeve kur zbulohen shkelje në procedurat e konsultimeve.
21. Modernizim i ligjit mbi tatimin e të ardhurave për të reflektuar standardet dhe kornizat ndërkombëtare.
22. Ligji fiskal të zgjasë të paktën një mandat të plotë qeveritar.
23. Ristrukturim i sistemit të taksave për të incentivizuar ekonominë.
24. Amendim i ligjit për tatimin mbi të ardhurave për të siguruar taksim të barabartë të individëve, pavarësisht statusit ligjor.
25. Inkurajim i Zonës Rajonale Ekonomike duke vënë në zbatim standarde rajonale për tregtinë ndërkombëtare dhe marrëveshjet mbi investimet.
26. Lehtësim i procedurave doganore që lidhen me tregtinë online.
27. Fuqizim dhe incentivizim i sistemit këshillimor në agrikulturë për të rritur prodhumin dhe të ardhurat në zonat rurale nga eksportet.
28. Firmosja e një marrëveshje për taksim të dyfishtë me Shtetet e Bashkuara.
29. Miratimi i legjislacionit për përdorimin e firmave elektronike.
30. Krijimi i kushteve për zhvillimin e 100 mijë koduesve në 10 vitet e ardhshme.
31. Rritje e mëtejshme e luftës kundër informalitetit dhe dekurajim i pagesave me para në dorë.
32. Sigurimi i mbështetjes financiare për të mbështetur sipërmarrësit digjital.
33. Thjeshtim i tregtisë elektronike dhe ngritja e një rregullatori të mirëfilltë për tregtinë digjitale.
34. Financim dhe sigurim i burimev shtesë për sistemin e arsimimit dhe trajnimit të të rinjve.
35. Liberalizim i kushteve të diplomimit për diplomat e degëve shkencore, të teknologjisë, inxhinierisë dhe matematikës.
36. Përfundim i kornizës kombëtare të kualifikimeve në bashkëpunim me sektorin privat bazuar mbi orientimin strategjik: në turizëm, energji dhe bujqësi.
37. Rritje e pranisë dhe rolit të agjencive shtetërorë dhe sektorit privat në arsimimin dhe trajnimin e të rinjve.
38. Krijimi dhe zbatimi i një plan veprimi për të rritur vetëdijen dhe përdorimin e Katalogut Kombëtar të Kualifikimeve dhe listës së profesionistëve.
39. Zhvillimi i një mbështetjeje cilësore kombëtare për menaxhimin e të rinjve të arsimuar.
40. Zhvillimi i një platforme online për të rritur vetëdijen për rekrutimin e të rinjve. / A2
Nuk ka nge Rama te meret me keto 40 pika qe thote ky zotnia.Per zbatimin e tyre ,zoti amerikan, gjej tjeter tjeter kryeminister.Ka zera se Rama do te largohet nga posti qe mban dhe do te mare nje post te ri ,ate te drejtorit te ndermjarjes “Rruga-Ura”sepse ka vite qe i ka marre doren rrugeve dhe urave ,eshte i specializuar.