Tender 600 lekë për të vrarë një qen (!)

Shpallje nga më të çuditshmet për tendera në institucionet vendore. Bashkia e Bajram Currit, tender për të vrarë një … qen; Bashkia e Beratit, tender për pesë buqeta lulesh; ndërsa Univeristeti i Arteve, tender  për një drekë në restorant për tre persona.

“Bashkia e Bajram Currit ka shpallur tenderin më të pazakontë sa i përket jo vetëm vlerës së ulët por edhe objektit të veçantë: 600 lekë për të vrarë një qen rrugaç.  Nga një hulumtim i thjeshtë në portalin online të Agjencisë së Prokurimeve Publike rezulton se në datën 27 dhjetor 2013, Bashkia e Beratit ka ftuar operatorët ekonomikë të japin ofertat e tyre për blerjen e pesë buqetave me lule natyrale për ceremoninë e shpalljes së njeriut të vitit 2013 me vlerë totale 7500 lekë. Ndërkohë që në 17 tetor 2013 Universiteti i Arteve ka shpallur tenderin “drekë për 3 persona” me fond limit 5 mijë lekë – shkruan e perditshmja G.Sh.