“Zogu” këndon për Albin Kurtin

Lideri i Lëvizjes “Vetëvendosje!”, Albin Kurti është duke qëndruar në Londër ku do të mbajë një tubim me shqiptarët që jetojnë atje. Por, në këtë takim nuk do të ketë vetëm diskutime me bashkatdhetarët. Lëvizja “Vetëvendosje!” përpos që do ta shpalosë platformën e saj politike para të pranishmëve, në klubin e natës “The Queen’s Arms”, mërgimtarët në këtë tubim do të kënaqen edhe me muzikë “live” të grupit “The Beatless”. Në rrjetet sociale paralajmërohet se këtë mbrëmje do ta “kallë ” mysafirja speciale e mbrëmjes , “Zogu ma i mirë…”, këngëtarja shkupjane, Altuna Sejdiu.