Vrasja e 19-vjeçares Shejla Bakija në Tuz nga ish i dashuri i saj Ilir Gjokaj në shtëpinë ku jetonte bashkë me gjyshen dhe familjen ka tronditur ditën e djeshme Malin e Zi.
Fati tragjik i vajzës së re, ka bërë që shumë komentues të reagojnë të zemëruar në rrjetet sociale. Reagimet kanë qenë të shumta dhe qytetarët kanë thirrur protestë ditën e sotme në orën 12:00 para ndërtesës së Policisë së Tuzit.
Ndër ta është edhe modelja e njohur me origjinë shqiptare Emina Cunmulaj, e cila jeton në SHBA. Modelja kërkon kapjen e autorit të ngjarjes i cili është ende në arrati.
