“Mjellma do hamë, parimet nuk i shkelim”, Koreja e Veriut gjen ‘zgjidhje’ për urinë e përhapur masivisht brenda vendit pas sanksioneve amerikane

Mediat perëndimore dënonin sot një dekret të udhëheqësit të Koresë së Veriut, Kim Jong-un i cili sipas tyre, me rastin e krizës së urisë, u rekomandonte qytetarëve të ushqehen edhe me kafshë ornamentale si mjellmat e zeza.

Megjithëse dikur shpendët ishin me të vërtetë të çmuar për vlerën zbukuruese, tashmë ato po kultivohen në rang industrial në fermën e Kwangpho, – thonë mediat.

Për të inkurajuar përdorimin, propaganda lokale thotë se mishi i shpendit është shumë i shijshëm, madje lufton edhe kancerin.

Prej verës vendi ka deklaruar emergjencën e ushqimit dhe udhëheqësi ka nxitur zyrtarët të gjejnë zgjidhje.

Një nga agjencitë shtetërore të lajmeve shpalli këtë javë se “mishi i mjellmës së zezë është i shkëlqyer dhe ka vlera medicinale”.

Zhvillimi vjen teksa Kim Jong Un pranoi publikisht muajt e fundit se Korea e Veriut ka mangësi ushqimi, një gjë për të cilën vëzhguesit kishin paralajmëruar se ndodhte prej vitesh.

Miliona njerëz nuk po marrin furnizime të mjaftueshme ushqimore. Inteligjenca e Koresë së Jugut thotë se në veri zyrtarët kanë urdhëruar “mbledhjen e çdo kokrre gruri”.

Ndihma humanitare duket se po arrijnë atje nga Kina, por përsëri Peniani është i goditur rëndë nga sanksionet amerikane për programin e tij raketor.

Më herët, gjatë një krize të ngjashme, babai i Kimit shpalli ushqim kombëtar mishin e lepurit dhe urdhëroi mbarështimin e tij në masë.

o.j/dita